میں تیرے حسن کو نغمات کے سانچے میں ڈھا لوں گا
تجھے تجھ سے چرا لوں گا تجھے تجھ سے چرا لوں گا
فضائیں نور میں ڈوبیں ہواوؤں میں مہک جا گے
زمانہ سر جھکائے گا ہمارے پیار کے آگے
ہر اک رسوائی سے دامن کو تیرے میں بچا لوں گا
تجھے تجھ سے چرا لوں گا تجھے تجھ سے چرا لوں گا
میں تیرے حسن کو نغمات کے سانچے میں ڈھا لوں گا
تجھے تجھ سے چرا لوں گا تجھے تجھ سے چرا لوں گا
یہ تیرے جسم کی خوشبو یہ تیری زلف کے سایے
مری باہوں کے حلقے میں کبھی ائے کاش تو آئے
ترے سانسوں کی گرمی کو میں سانسوں میں بسا لوں گا
تجھے تجھ سے چرا لوں گا تجھے تجھ سے چرا لوں گا
میں تیرے حسن کو نغمات کے سانچے میں ڈھا لوں گا
تجھے تجھ سے چرا لوں گا تجھے تجھ سے چرا لوں گا
جو تیرا ساتھ مل جائے دکھا دوں میں زمانے کو
مکمل کر کے اپنے عشق کے رنگیں فسانے کو
کتابِ زیست کا اپنی تجھے عنواں بنا لوں گا
تجھے تجھ سے چرا لوں گا تجھے تجھ سے چرا لوں گا
میں تیرے حسن کو نغمات کے سانچے میں ڈھا لوں گا
تجھے تجھ سے چرا لوں گا تجھے تجھ سے چرا لوں گا
ڈرا سکتی نہیں دنیا مجھے طوق وسلاسل سے
گزر جاؤں گا ہنستا کھیلتا یارو مراحل سے
وفا کی راہ میں ماجدؔ میں ہستی کو مٹا لوں گا
تجھے تجھ سے چرا لوں گا تجھے تجھ سے چرا لوں گا
میں تیرے حسن کو نغمات کے سانچے میں ڈھا لوں گا
تجھے تجھ سے چرا لوں گا تجھے تجھ سے چرا لوں گا
ماجدؔ دیوبندی
