- Advertisement -

تباہی کے بادل ہیں لہرانے والے

باقی صدیقی کی ایک اردو غزل

تباہی کے بادل ہیں لہرانے والے
کہاں ہیں زمانے کا غم کھانے والے

غم زندگی سے نظر تو ملائیں
غم عشق پر ناز فرمانے والے

زمانہ کسی کا ہوا ہے نہ ہو گا
ارے او فریب وفا کھانے والے

نظر اے فقیر سر راہ پر بھی
طواف حرم کے لئے جانے والے

چلو جام اک اور پی آئیں باقیؔ
ابھی جاگتے ہوں گے میخانے والے

باقی صدیقی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
باقی صدیقی کی ایک اردو غزل