- Advertisement -

Yaqeen Kar Ke Yeh

An Urdu Ghazal By Saghar Saddique

ساغر صدیقی
انتظارِ نظر

یقین کر کہ یہ کہنہ نظام بدلے گا

مرا شعور مزاج عوام بدلے گا

یہ کہہ رہی ہیں فضائیں بہار ہستی کی

نیا طریق قفس اور دام بدلے گا

نفس نفس میں شرارے سے کروٹیں لیں گے

دلوں میں جذبہء محشر خرام بدلے گا

مروتوں کے جنازے اٹھائے جائیں گے

سنا ہے ذوق سلام و پیام بدلے گا

دل و نظر کو عطا ہوں گی مستیاں ساغر

یہ بزم ساقی یہ بادہ یہ جام بدلے گا

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
An Urdu Ghazal By Saghar Saddique