آپ کا سلاماردو غزلیاتافروز عالمشعر و شاعری

ٹھوکر سے فقیروں کی دنیا کا بکھر جانا

افروز عالم کی ایک اردو غزل

ٹھوکر سے فقیروں کی دنیا کا بکھر جانا

خواہش کا لرز جانا اسباب کا ڈر جانا

آکاش کے ماتھے پہ جادو کا سبب یہ ہے

تاروں کا چمک جانا چندا کا نکھر جانا

آ تجھ کو بتا دوں میں اچھی سی غزل کیا ہے

افکار کے سانچے میں لفظوں کا اتر جانا

اقرار محبت کی نازک سی دلیلیں ہیں

آنکھوں میں چمک آنا زلفوں کا سنور جانا

بے ربط دلیلیں ہیں اس شوخ کی باتوں میں

کچھ دیر تلک کہنا پھر کہہ کے مکر جانا

دنیا جسے کہتی ہے وہ نیل کمل تم ہو

ہر جھیل کو جچتا ہے ترا کھل کے ابھر جانا

تو میری ضرورت ہے عالمؔ یہی کہتا ہے

اس بات کا مطلب ہے ترے بن مرا مر جانا

افروز عالم

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button