آپ کا سلاماردو غزلیاتحسن فتحپوریشعر و شاعری

آ گیا ہے کوئی بام پر غالباً

ایک اردو غزل از حسن فتحپوری

آ گیا ہے کوئی بام پر غالباً
ہونے والی ہے غم کی سحر غالباً

دل کی بے چینیوں کو قرار آ گیا
آنے والا ہے کوئی ادھر غالباً

راکھ میں اب بھی باقی ہیں چنگاریاں
کوئی . جلتا رہا رات بھر غالباً

جب تپش دل تک آئی تو ایسا لگ
پھونک ڈالا خود اپنا ہی گھر غالباً

اب اسی کے لئے کوئی رکتا نہیں
زندگی ہے بہت مختصر غالباً

لاش پر یہ سمجھ کر وہ بیٹھ رہے
آج. سویا . ہوں. میں بے خبر غالباً

اے حسن یہ کہاں آپ تنہا چلے
کھو گیا ہے کہیں ہم سفر غالباً

حسن فتحپوری

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button