اردو شاعریاردو غزلیاترسا چغتائی

تیرے آنے کا انتظار رہا

ایک اردو غزل از رسا چغتائی

تیرے آنے کا انتظار رہا
عمر بھر موسمِ بہار رہا

پا بہ زنجیر، زلفِ یار رہی
دل اسیرِ خیالِ یار رہا

ساتھ اپنے غموں کی دھوپ رہی
ساتھ اک سروِ سایہ دار رہا

میں پریشان حال آشفتہ
صورتِ رنگِ روزگار رہا

آئینہ آئینہ رہا پھر بھی
لاکھ در پردۂ غبار رہا

کب ہوائیں تہہِ کمند آئیں
کب نگاہوں پہ اختیار رہا

تجھ سے ملنے کو بے قرار تھا دل
تجھ سے مل کر بھی بے قرار رہا

رسا چغتائی

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button