- Advertisement -

میں جانتا ہوں ترے جسم کو ہرا کرنا

بہنام احمد کی ایک اردو غزل

میں جانتا ہوں ترے جسم کو ہرا کرنا
سو میری آنکھ کی دستک پہ دل کشا کرنا

تمہارے پاس بھی کہنے کو کوئی بات نہیں
تمہیں تو آتا تھا ہر بات پر گِلا کرنا

اسے یقین دلانا کہ میں تمہارا ہوں
پھر اس فریب میں خود کو بھی مبتلا کرنا

وہاں بھٹکتی ہوئی آتمائیں رہتی ہیں
بدیس جاتے ہوئے مجھ سے رابطہ کرنا

میں اپنے کام سے عزت کما کے آتا ہوں
تم اتنی دیر تلک خیر کی دعا کرنا

بہنام احمد

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
بہنام احمد کی ایک اردو غزل