- Advertisement -

Zakham Dil Par Bahaar Dekha Hai

An Urdu Ghazal By Saghar Saddique

ساغر صدیقی
انتظارِ نظر

زخمِ دل پر بہار دیکھا ہے

کیا عجب لالہ زار دیکھا ہے

جن کے دامن میں‌کچھ نہیں ہوتا

ان کے سینوں میں پیار دیکھا ہے

خاک اڑتی ہے تیری گلیوں میں‌

زندگی کا وقار دیکھا ہے

تشنگی ہے صدف کے ہونٹوں پر

گل کا سینہ فگار دیکھا ہے

ساقیا! اہتمامِ بادہ کر

وقت کو سوگوار دیکھا ہے

جذبہء غم کی خیر ہو ساغر

حسرتوں پر نکھار دیکھا ہے

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
An Urdu Ghazal By Saghar Saddique