- Advertisement -

Guzar Gaya Jo Mere Dil Pe

An Urdu Ghazal By Jalil Aali

گزر گیا جو مرے دل پہ سانحہ بن کر

اتر گیا وہ مری روح میں خدا بن کر

ترا خیال شب ہجر پھیلتا ہی گیا

ہزار رنگ کی سوچوں کا سلسلہ بن کر

وفا کے سنگ سے ٹکرا کے احتجاج‌ انا

صلیب لب پہ سسکنے لگا دعا بن کر

بدن کے دشت میں من کی حسین صبحوں کو

نکل رہا ہے غم دہر اژدہا بن کر

کبھی تو دیپ جلیں گل کھلیں فضا مہکے

کبھی تو آ شب ویراں میں رتجگا بن کر

تمام عمر جسے ڈھونڈتے رہے عالؔی

کہیں ملا بھی اگر وہ تو فاصلہ بن کر

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
A Hamadiya Kalam By Danial Tareer