گِدھا

مرمر کے میں ہاڑی بیجی، بھر بھر بوہل لگائے
کنکاں کھیت دیاں، لے گئے پُتر پرائے—-
کنکاں کھیت دیاں—–

ہڈ میرے پالے وچ نیلے، لوآں دے وچ کالے
اک جو بُرکی پھڑ کے تکی ہتھاں دے وچکالے
اِلّاں وانگ جھپٹّا مارن اُچیاں محلاں والے
گلاں پیار دیاں —–کریں نہ سجنا حالے—-
گلاں پیار دیاں—

ایہہ دھرتی میں گوڈی بیجی، ایہہ دھرتی میں واہی
بُرکی کنکاں دی—- اساں نہ دندِیں لائی—-
بُرکی کنکاں دی۔۔۔

ہار ہٹ کے کھیت جو بیجے بیج بیج کے ہاری
مَیلی تے گھسمیلی ہوگئی، سُوہی میری پھلکاری
پاکے دھوواں، دھو کے پاواں، کُڑتا اے نسواری
عُمرا بیت گئی—– ایہہ ساری دی ساری—-
عُمرا بیت گئی—

امرتا پریتم

حوالہ: کاغذ تے کینوس توں پہلاں؛