- Advertisement -

آنکھ روشن ہے جیب خالی ہے

ایک اردو غزل از ساغر صدیقی

آنکھ روشن ہے جیب خالی ہے

ظلمتوں میں‌کرن سوالی ہے

حادثے لوریوں کا حاصل ہیں

وقت کی آنکھ لگنے والی ہے

آئینے سے حضور ہی کی طرح

چشم کا واسطہ خیالی ہے

حسن پتھر کی ایک مورت ہے

عشق پھولوں کی ایک ڈالی ہے

موت اک انگبیں کا ساغر ہے

زندگی زہر کی پیالی ہے

ساغر صدیقی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از ساغر صدیقی