آپ کا سلاماردو نظمشعر و شاعریلبنیٰ مقبول غنیمؔ

ناتمام کھوج

لبنیٰ مقبول غنیمؔ کی ایک اردو نظم

"ناتمام کھوج”

میری کھوج سے اُسکی سوچ تک
اُس کی سوچ سے میری فہم تک
سمجھنے اور جاننے کے کھیل میں
چل رہا تھا وہ ذات کا تجسس
تہہ در تہہ…… ذات اندر ذات
کھوجنے کے عمل نے پھر
لمحوں کو جو وصال بخشا
تو جستجو کی آگ ہوئی سرد
یہ وصال عجب تھا وصال جاناں
ملن سے جس کا زوال جانا
پرت در پرت……بالآخر
تجسس کے پردے بھی ہٹ رہےتھے
یہ میں نے سوچا
یہ میں نے جانا
یہ میرےجیسا تو نہیں ہے
لیکن شاید …….
سب کچھ ویسا بھی نہیں ہے
وسوسے دل میں گھر کر رہے تھے
اور تلاش بھی رُک سی گئی تھی
مختصراً …
جستجو میں اپنی
اُسے بھی کھویا….
اور میں بھی روئی…..
کھوج بھی ناتمام ٹھہری
ذات کا تجسس….
بہت دل نشیں تھا لیکن
اِس سفر کا جو اہتمام کیا
جُستجو کو ابھی لگام کیا

لبنیٰ مقبول غنیمؔ

لبنیٰ غنیم

" مختصر تعارف " لبنیٰ مقبول، کراچی سے تعلق، شاعرہ،کالم نویس، اور افسانہ نگار ہیں- بزنس منیجمنٹ، معاشیات، اور انگلش لٹریچر میں ڈگری حاصل کرچکی ہیں- درس و تدریس سے وابستگی رہی- انسانی نفسیات میں گہری دلچسپی ہے ۔ انسان میں چھپی صلاحیتوں کو دریافت کرنے کا شوق ہے ۔ اردو، انگریزی کے علاوہ فرینچ لینگویج پر بھی عبور رکھتی ہیں- چارہ گر بھی وہی کے نام سے شعری مجموعہ زیر طبع ہے اور اس کے علاوہ سوشل میڈیا پر ایک بہت مقبول سلسلہ مستانہ لکھ رہی ہیں جسے جلد ناول کی شکل دینے کا ارادہ ہے-

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

سلام اردو سے ​​مزید
Close
Back to top button