آپ کا سلاماردو غزلیاتشعر و شاعریعزیز نبیل

جیسے جیسے کر رہا ہوں عمرِ رفتہ کا حساب

ایک اردو غزل از عزیز نبیل

جیسے جیسے کر رہا ہوں عمرِ رفتہ کا حساب
ویسے ویسے اٹھ رہا ہے موجِ خوں میں اضطراب

تیرگی کے قہر سے جس وقت آزادی ملی
دیر تک چھایا رہا مجھ پر اُجالوں کا عذاب

راستوں کی دھول سے رکھنی پڑی ہے رسم و راہ
کب تلک کرتا میں آخر فاصلوں سے اجتناب

مصحفِ دل میں لکھی ہے وحشتوں کی داستاں
جانے کس کے نام لکّھا جائے گا اب انتساب

ایک ریلا سا چلا آیا سوالوں کا نبیلؔ
چھپ گئے جا کر بہت اونچے مچانوں پر جواب

عزیز نبیل

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button