آپ کا سلاماردو غزلیاتشعر و شاعریعابِد ملک

گلے لگائے مجھے،میرا رازداں ہو جائے

عابِد ملک کی ایک اردو غزل

گلے لگائے مجھے،میرا رازداں ہو جائے
کسی طرح یہ شجر مجھ پہ مہرباں ہو جائے

ستارے جھاڑ کے بالوں سے اب یہ کہتا ہوں
کوئی زمین پہ رہ کر نہ آسماں ہو جائے

اسی لئے تو اداسی سے گفتگو نہیں کی
کہیں وہ بات نہ باتوں کے درمیاں ہو جائے

یہ زخم ایسے نہیں ہیں کہ جو دکھائیں تمہیں
یہ رنج ایسا نہیں ہے کہ جو بیاں ہو جائے

بلا رہا ہے کوئی آسماں کی کھڑکی سے
سو آج خاک نشیں! تیرا امتحاں ہو جائے

عابد ملک

عابد ملک

عابد ملک (شعبہ اردو) مسلم کالج نیو شاہ شمس کیمپس ، وہاڑی روڈ ، ملتان

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button