- Advertisement -

علاج بالمثل

ڈاکٹر وحید احمد کی ایک اردو نظم

علاج بالمثل

نشتر زخم لگاتا ہے تو نشتر سے کھلواتا ہوں

سلواتا ہوں

پھنیر نیل اتارتا ہے تو منکے میں رسواتا ہوں

کھنچواتا ہوں

پانی میں گرمی گھولتا ہے

تو پانی کا ٹھنڈا پیالہ منگواتا ہوں

جب شب زندہ داری میں مے چڑھتی ہے

تو صبح صبوحی کی سیڑھی لگواتا ہوں

عورت چرکا دیتی ہے تو عورت کو بلواتا ہوں

دکھلاتا ہوں

اک عادت کے گھاؤ پہ دوسری عادت باندھا کرتا ہوں

میں عورت کے زخم کے اوپر عورت باندھا کرتا ہوں

ڈاکٹر وحید احمد

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
جواد شیخ کی ایک اردو غزل