- Advertisement -

دن ہی ڈھلتا نہ شب گزرتی ہے

عارف امام کی اردو غزل

دن ہی ڈھلتا نہ شب گزرتی ہے
ہم پہ حالت عجب گزرتی ہے

میر و مجنوں کے دور میں کب تھی؟
وہ مصیبت جو اب گزرتی ہے

منتظر ہیں کہ یہ سوارٸ مرگ
اِس محلے سے کب گزرتی ہے؟

باغِ اسباب کے احاطے سے
صرصرِ بے سبب گزرتی ہے

جس قیامت کا تھا بیاں کم کم
اِن دنوں سب کی سب گزرتی ہے

ھاتھ دھوئیں شراب سے کہ پئیں
بے بسی پُر غضب گزرتی ہے

ابنِ آدم ابھی نہ چل کہ ابھی
اجَلِ بے نسب گزرتی ہے

عارف امام

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
عارف امام کی اردو غزل