A True Salam To Urdu Literature

Dil Mein Le Kar Bhadas

An Urdu Ghazal By Ayub Sabir

دل میں لے کر بھڑاس پھرتے ہیں
جو مرے آس پاس پھرتے ہیں

تن پہ شرم و حیاء نہیں رکھتے
لوگ یہ بے لباس پھرتے ہیں

جم گئیں لب پہ پپڑیاں دیکھو
لے کے ہونٹوں پہ پیاس پھرتے ہیں

اپنی تقدیر پوچھتے ہیں مجھے
یہ جو چہرہ شناس پھرتے ہیں

حادثہ تو ابھی ہوا ہی نہیں
لوگ کیوں بد حواس پھرتے ہیں

جو بھی اقدار رہ گئیں باقی
ہم وہ لے کر اساس پھرتے ہیں

دل کا محرم نہیں کوئی صابرؔ
اس لیے ہم اداس پھرتے ہیں

Leave A Reply

Your email address will not be published.

Recommended Salam
An Urdu Ghazal By Ayub Sabir