- Advertisement -

Rahzan Aadmi Rahnma

An Urdu Ghazal By Saghar Saddique

ساغر صدیقی
انتظارِ نظر

راہزن آدمی راہنما آدمی

با رہا بن چکا ہے خدا آدمی

ہائے تخلیق کی کار پردازیاں

خاک سی چیز کو کہہ دیا آدمی

کھل گئے جنتوں کے وہاں زائچے

دو قدم جھوم کر جب چلا آدمی

زندگی خانقاہ شہود و بقا

اور لوح مزار فنا آدمی

صبح دم چاند کی رخصتی کا سماں

جس طرح بحر میں‌ ڈوبتا آدمی

کچھ فرشتوں کی تقدیس کے واسطے

سہہ گیا آدمی کی جفا آدمی

گونجتی ہی رہے گی فلک در فلک

ہے مشیت کی ایسی صدا آدمی

اس کی مورتیں پوجتے پوجتے

ایک تصویر سی بن گیا آدمی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
An Urdu Ghazal By Saghar Saddique