مصطفےٰﷺ آپ کی چاہت کی ہے

مصطفےٰﷺ آپ کی چاہت کی ہے
آپ ہی سے تو مُحبّت کی ہے

رہے جب تک وہ زمیں پر رب کی
اپنی اُمّت کو ہدایت کی ہے

نیست و نابُود ہُوا وہ اِک دن
آپ سے جس نے بغاوت کی ہے

جس سے نالاں ہو نبی کی اُمّت
اُس سے اللہ نے نفرت کی ہے

مِلتا ہے اجر و کَرَم جس نے بھی
اپنے مولا کی اطاعت کی ہے

جس نے اللہ کی عبادت کی ہے
اُس پہ اللہ نے عنایت کی ہے

ہم نے “ شہناز “ عقیدت کی ہے
بس مُحمّد سے مُحبّت کی ہے

شہناز رضوی