- Advertisement -

Kis Mohabbat Mein Par Gaya Main

An Urdu Ghazal By Saud Usmani

کس محبت میں پڑ گیا میں بھی

تو بھی مجھ کو نہ مل سکا ،میں بھی

عمر کٹتی رہی اور آخر کار

قاش در قاش کٹ گیا میں بھی

رات بھی جاگتی سلگتی رہی

رات بھر جاگتا رہا میں بھی

اک الاؤ کے گرد بیٹھے ہوے

راکھ کا ڈھیر ہو گیا میں بھی

داستاں اس طرح سنائی گئی

رو پڑا وہ بھی،رو پڑا میں بھی

اپنا پہلا ملال یاد آیا

یاد آیا کہ زندہ تھا میں بھی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
An Urdu Ghazal By Saud Usmani