- Advertisement -

صرف اشک و تبسم میں الجھے رہے

ایک اردو غزل از احسان دانش

صرف اشک و تبسم میں الجھے رہے
ہم نے دیکھا نہیں زندگی کی طرف

رات ڈھلتے جب ان کا خیال آگیا
ٹکٹکی بندھ گئی چاندنی کی طرف

کون سا جرم کیا ، کیا ستم ہو گیا
آنکھ اگر اٹھ گئی آپ ہی کی طرف

جانے وہ ملتفت ہوں کدھر بزم میں
آنسوؤں کی طرف، یا ہنسی کی طرف

احسان دانش

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از احسان دانش