آپ کا سلاماردو شاعریاردو غزلیاتصائمہ آفتاب

جُھومتی ، دف بجاتی ، گاتی موت

صائمہ آفتاب کی ایک اردو غزل

جُھومتی ، دف بجاتی ، گاتی موت
لمحہ لمحہ قریب آتی موت

خُلد سے فرش پر گِرے سو گِرے
ساتھ بھیجی گئی حیاتی ، موت

خلق نالاں تھی اس طبیعی پر
پھر ملی کچھ کو حادثاتی موت

خود فریبی کا نام جو بھی رکھو
زندگی ہے تو جینیاتی موت

کیا بتاؤں کہ گام گام یہاں
سہنا پڑتی ہے نظریاتی موت

وقت پیہم ہتھوڑا چلتا ہوا !
اپنی چکّی الگ گُھماتی موت

سب طرفدار میرے کھوئے گئے
ایسی دشمن ہے میری ذاتی موت

صائمہ آفتاب

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

ایک تبصرہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button