A True Salam To Urdu Literature

Gardish-E-Rung

An Urdu Nazam By Ahmed Hamesh

گردشِ رنگ

احمد ہمیش

یہ اب کیا ہورہا ہے کہ نفرت کا بول بالا ہے

اب نفرت کو کئی ہتھیار مل گئے ہیں

وہ وار کرتی ہے اور صرف وار کرتی ہے

اور اپنے بے شمار ہتھیاروں کا صرف ہونا باور کراتی ہے

تو کیا محبت اپاہج اور اپنگ ہے

وہ کسی کو اپنا ہونا باور نہیں کراسکتی

کیا موت کی غلامی میں ماں باپ اور اولاد

سبھی بھینٹ چڑھ جاتے ہیں

کبھی کبھی تو یوں لگتاہے کہ شاید خاتمہ کی بے آواز گھنٹی

پتہ نہیں باہریا اندر کہا ں سنائی دے رہی ہے

مگر اس رات کو کیا اِسم دیا جاسکتاہے

جب کچھ بھی سننے اور پھر بھی کچھ نہ سننے کے درمیان
زمین یا اُس کی دنیا کہیں نہ کہیں ہوتی ہے

اس طرح کہ مٹی مٹی میں انوپ ہورہی ہوتی ہے

پانی پانی میں مل رہا ہوتاہے

گویا

گھڑی بھر کو نہ سویا جاسکتا ہے اور نہ جاگا جاسکتاہے

Leave A Reply

Your email address will not be published.

Recommended Salam
An Urdu Ghazal By Saleem Kausar