A True Salam To Urdu Literature

Bei Nishaan

An Urdu Nazam By Injila Hamesh

بے نشان

انجلاء ہمیش

ہمیں قیامت کی نشانیوں میں یہ نہیں بتایا گیا

کہ وہ مرد ناپید ہوجائیں گے

جنہیں خدا نے ایک درجہ اوپر رکھا

ذرا اُ ن ماؤں کے دودھ کو جانچو

جس کو پی کے پروان چڑھنے ولا بچہ

بے کردار ہوجاتاہے

کسی ہیجڑے پہ لعن طعن مت کرو

وہ اپنے سوا کسی کا مذاق نہیں اُڑاتا

اور اب آنے والی صدیوں میں

جو نسلیں پیدا ہونگی

وہ کسی زنخے یا ہیجڑے سے زیادہ قابلِ رحم ہونگی

سو ہمیں مت دکھاؤیہ حسب نسب

ہم نے یہ سارے غرور ند ی نالوں میں بہتے ہوئے دیکھے ہیں

ہمیں قیامت کی نشانیوں میں یہ نہیں بتایا گیا

کہ ایک وقت ایسا آئے گا

جب کسی کی کوئی شناخت نہیں ہوگی

  1. میر حسین علی امام says

    یہ نظم پڑھ رونگٹے کھڑے ھو گئے. لەجەانداز سب جارحانہ روایت سے باغی انجیل کی پہلی نظم پڑھی قوت توانائی ادراک سچائی ھ

  2. Injila Hamesh says

    بہت شکریہ میر حسین صاحب

Leave A Reply

Your email address will not be published.

Recommended Salam
An Urdu Afsaana By Saadat Hassan Manto