- Advertisement -

آپ سے آشنائی کرتے ہیں

باقی صدیقی کی ایک اردو غزل

آپ سے آشنائی کرتے ہیں
بات اپنی پرائی کرتے ہیں

کر رہے ہیں کوئی خطا جیسے
اس طرح ہم بھلائی کرتے ہیں

جن پہ ہوتا ہے اعتبار وہی
وقت پر بے وفائی کرتے ہیں

راہ سے آشنا نہیں پھر بھی
حسرت رہنمائی کرتے ہیں

بھول جاتے ہیں خود کو بھی باقیؔ
لوگ جب ہمنوائی کرتے ہیں

باقی صدیقی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
باقی صدیقی کی ایک اردو غزل