- Advertisement -

یہ اُداسی سدا بحال رہے

ایک اردو غزل از رفیق لودھی

یہ اُداسی سدا بحال رہے
دلِ برباد یہ خیال رہے

چپ لگا کر چلا گیا وہ مجھے
میرے دل میں مرے سوال رہے

عکس کھینچا کروں میں پانی سے
اور خالی ہی میرا جال رہے

رات دن بارشیں رہیں غم کی
موسم ِ درد سارا سال رہے

کاش ایسا بھی ہو کبھی لودھی
جسم اُٹھ جائیں اور وصال رہے

رفیق لودھی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از بلال اسعد