اردو غزلیاترحمان فارسشعر و شاعری

یہ جو مجھ پر نکھار ہے سائیں

رحمان فارس کی ایک غزل

یہ جو مجھ پر نکھار ہے سائیں

آپ ہی کی بہار ہے سائیں

آپ چاہیں تو جان بھی لے لیں

آپ کو اختیار ہے سائیں

تم ملاتے ہو بچھڑے لوگوں کو

ایک میرا بھی یار ہے سائیں

کسی کھونٹی سے باندھ دیجے اسے

دل بڑا بے مہار ہے سائیں

عشق میں لغزشوں پہ کیجے معاف

سائیں یہ پہلی بار ہے سائیں

کل ملا کر ہے جو بھی کچھ میرا

آپ سے مستعار ہے سائیں

ایک کشتی بنا ہی دیجے مجھے

کوئی دریا کے پار ہے سائیں

روز آنسو کما کے لاتا ہوں

غم مرا روزگار ہے سائیں

وسعت رزق کی دعا دیجے

درد کا کاروبار ہے سائیں

خار زاروں سے ہو کے آیا ہوں

پیرہن تار تار ہے سائیں

کبھی آ کر تو دیکھیے کہ یہ دل

کیسا اجڑا دیار ہے سائیں

رحمان فارس

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button