اردو غزلیاتڈاکٹر فخر عباسشعر و شاعری

ریشم زلف کے تار بھی باتیں کرتے ہیں

ڈاکٹر فخر عباس کی ایک اردو غزل

ریشم زلف کے تار بھی باتیں کرتے ہیں
اُس کے تو رخسار بھی باتیں کرتے ہیں

اتنا وقت میں دیتا ہوں اُس لڑکی کو
اب تو میرے یار بھی باتیں کرتے ہیں

سو افسانے بن جاتے ہیں پل بھر میں
ہم دونوں دو چار بھی باتیں کرتے ہیں

ہر اک شعر نہیں ہو سکتا اچھا شعر
شاعر کچھ بیکار بھی باتیں کرتے ہیں

ناکامی اک ایسا موڑ ہے جس کے بعد
اپنے بھی اغیار بھی باتیں کرتے ہیں

ڈاکٹر فخر عباس

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button