- Advertisement -

پھر کسی آس میں رہ کر دیکھیں

سعید خان کی اردو غزل

پھر کسی آس میں رہ کر دیکھیں
اک نیا درد ہی سہہ کر دیکھیں

ہم کو مل جائے کنارہ شاید
آؤ جذبات میں بہہ کر دیکھیں

میری نظروں سے بھی گر جائیں گے
اشک آنکھوں سے تو بہہ کر دیکھیں

ہم کو آرام نہیں خوابوں سے
جس خرابے میں بھی رہ کر دیکھیں

میں سعید اور مرے دل کا غبار
آؤ اک شعر تو کہہ کر دیکھیں

سعید خان 

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
سعید خان کی اردو غزل