آپ کا سلاماردو غزلیاتشعر و شاعریعاطف کمال رانا

کچھ محبت کچھ گلہ آثار بارش ہورہی ہے

ایک اردو غزل از عاطف کمال رانا

کچھ محبت کچھ گلہ آثار بارش ہورہی ہے
دو بزرگوں میں دم – گفتار بارش ہورہی ہے

دوست پہلی نظم میں بھی صاف پانی بہہ رہا تھا
اس غزل میں اور تازہ کار بارش ہورہی ہے

پہلے تو سب اہل – خانہ گھر میں بیٹھے رو رہے تھے
آج لگتا ہے پس – دیوار بارش ہورہی ہے

شہر کی اونچی عمارت میں بھی گریہ چل رہا ہے
آسماں سے غیر جانب دار بارش ہورہی ہے

نیکریں پہنے ہوئے بچوں کی حالت دیدنی ہے
جیسے اس گاوں میں پہلی بار بارش ہورہی ہے

پڑتے جاتے ہیں کئی سوراخ کالی چھتریوں میں
تیر گرتے ہیں کہ خنجر وار بارش ہورہی ہے

ابر – نم دیدہ نے چھت پر اک سماں باندھا ہوا ہے
شام ہی سے ایک موسیقار بارش ہورہی ہے

عاطف کمال رانا

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button