آپ کا سلاماردو غزلیاتشعر و شاعریفرح گوندل

غم پرندہ جو پہلی اڑانوں سے

فرح گوندل کی ایک اردو غزل

غم پرندہ جو پہلی اڑانوں سے بڑھ کر اڑا ‘ تیز ہے
میرا شک سچ ہے یعنی ؛ محبت سے دکھ کی ہوا تیز ہے

شہد سی اس کی باتوں میں تلخی کہاں سے چلی آئی تھی
ساری شیرینی جاتی رہی ہے نمک اسطرح تیز ہے

اس دشا کی ہواؤں کے آگے تو ہر اک دیا ہیچ ہے
احتیاطا ابھی مت نکل کہ گلی میں ہوا تیز ہے

میر ےدل کے سکوں! صرف ” اچھا ہوں ” کہہ دینا کافی نہیں
وہ جو سب تم نے مجھ سے چھپایا ہے اسکی صدا تیز ہے

میرے کالج کی ہر ایک سہیلی یہ کہنے لگی تھی مجھے
دیکھ تو اس سے محتاط رہنا یہ لڑکا بڑا تیز ہے

خوبصورت ہیں دامن پہ چاہت کے ہلکے گلابی سے پھول
پر جو چنری پہ لاگا ہے دکھ کا یہ دھبا بڑا تیز ہے

میں نے میٹھا بھی کھایا عرق بھی پیا پر یہ کڑواہٹیں
وصل کی چاشنی سے موےء ہجر کا ذائقہ تیز ہے

فرح گوندل

فرح گوندل

نام فرح گوندل ، سکونت اسلام آ باد- پیدائش ملکوال منڈی بہاوالدین- تعلیم ایم فل اردو

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button