A True Salam To Urdu Literature

Mohabbat

An Urdu Nazam By Injila Hamesh

محبت

انجلاء ہمیش

ہم مصیبت کے مارے محبت

نہیں کرسکتے

محبت اگر محبوب کے ہاتھ میں

ہاتھ ڈالے سمندر کے کنارے

چلنے کا نام ہے

تو ہمیں وہ کنارہ کبھی نہیں ملا

محبت اگر محبوب کے کاندھوں

پر گھڑی دو گھڑی کے سکون کا نام ہے

تو ہمیں وہ کاندھے میسّر نہیں

ہم تو اپنی آگ میں مستقل جلتے ہیں

ہمیں کیا معلوم

کسی کے لمس کی حدّت میں کیا لطف ملتاہے

ہم نے خود گلے لگایا خسارے کو

ہم پہ عنایت کیسے ہوسکتی ہے

ہم ناواقف ہیں محبت کے لوازمات سے

ہمیں نہیں آتی وہ ادائیں

جو کسی کے آنکھوں سے نیند چھین لے

ہمیں کیا سروکار روٹھنے منانے

کے سارے سلسلوں سے

محبت ۔۔۔فقط ایک فیشن شو ہے

جس میں کام کرنے والے ماڈلز

کی کیٹ واک ہم نہیں چل سکتے

Leave A Reply

Your email address will not be published.

Recommended Salam
An Urdu Ghazal By Altaf Hussain Hali