SalamUrdu.Com
A True Salam To Urdu Literature

Asar Usko Zara

asar usako zaraa nahii.n hotaa
ra.nj raahat fazaa nahii.n hotaa

tum hamaare kisii tarah na hue
varanaa duniyaa me.n kyaa nahii.n hotaa

naarasaaii se dam ruke to ruke
mai.n kisii se Khafaa nahii.n hotaa

tum mere paas hote ho goyaa
jab koii duusaraa nahii.n hotaa

haal-e-dil yaar ko likhuu.N kyo.n kar
haath dil se judaa nahii.n hotaa

kyo.n sune arz-e-muztarib ae ‘Momin’
sanam aaKhir Khudaa nahii.n hotaa

Comments
Loading...
Recommended Salam
Biography Of Momin Khan Momin