- Advertisement -

پاگل پن ہم جیسے پاگل کرتے ہیں

طارق جاوید کی ایک اردو غزل

پاگل پن ہم جیسے پاگل کرتے ہیں
وصل ملے تو ہجر مکمل کرتے ہیں

سونپ کے اک دوجے کو اپنی بے چینی
تنہائی کے عقدے کو حل کرتے ہیں

عشق تمہارا آیت بن کر اُترا ہے
ہم بھی اِس کا ورد مُسلسل کرتے ہیں

گُھور رہا ہے کتنی دیر سے آنکھوں کو
آنکھوں کو منظر سے اوجھل کرتے ہیں

طارق تجھ سے بنتے ہیں کتنے شکوے
شکوے بھی جو دل کو بوجھل کرتے ہیں

طارق جاوید

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
طارق جاوید کی ایک اردو غزل