ماورا ہے سوچوں سے ۔۔۔۔۔۔کیا کہیں دسمبر کی
غم زدوں سےکیوں گرہیں کھل سکیں دسمبر کی
۔
چار سو اداسی ہے۔۔۔۔۔۔۔۔۔۔ وحشتوں کا میلہ ہے
راس ہی نہیں ہم کو ۔۔۔۔۔۔۔۔فرصتیں دسمبر کی
۔
تیروں جیسی بوندیں ہیں۔۔۔ آگ ہے ہواوں میں
جان ہی نہ لے لیں یہ۔۔۔۔۔۔۔۔۔ بارشیں دسمبر کی
۔
زرد زرد شکوے ہیں۔۔۔۔۔۔۔۔ سرد سرد ہونٹوں پر
دوستوں کے جیسی ہیں۔۔۔۔۔ عادتیں دسمبر کی
۔
اس برس بھی لگتا ۔۔۔۔۔۔۔۔۔۔۔ہے بے وفا نہ ائے گا
یوں ہی بیت جائیں گی۔۔۔۔ ساعتیں دسمبر کی
۔
شہر میں خموشی ہے۔۔۔۔ سو رہا ہے جنگل بھی
کس نے پڑھ کے پھونکی ہیں۔ آئتیں دسمبر کی
۔
سرمئی گھٹائیں ہیں۔۔۔۔ رقص میں ہوائیں ہیں
بج رہی ہیں کانوں میں۔۔۔۔۔۔۔۔ پائلیں دسمبر کی
۔
ایک ہاتھ سگرٹ ہے ۔۔۔۔۔ دوسرے میں کافی ہے
ناچتی ہیں ہونٹوں پر ۔۔۔۔۔۔ لذتیں دسمبر کی
۔
چوٹیاں پہاڑوں کی ۔۔۔۔۔۔۔ برف اوڑھ بیٹھی ہیں
سج گئی ہیں چاندی سی۔۔۔۔ دلہنیں دسمبر کی
۔
شاہ دل شمس
