منجیاں نسریاں تے تیرے ہاسے

منجیاں نسریاں تے تیرے ہاسے چیتے آئے
ستھر کھبڑیاں تے تیرے ہاسے چیتے آئے

چیتر چڑھیا ا نج لگا ایہ دھرتی خوشی منائی
ولاں پنگریاں تے تیرے ہاسے چیتے آئے

خواب چ راتیں پھلاں نے سی دھکا مکی کیتی
اکھاں ا گھڑیاں تے تیرے ہاسے چیتے آئے

ورہیاں پچھوں کٹھے ہوئے بھتا کھان بیٹھے
ٹاپاں چوپڑیاں تے تیرے ہاسے چیتے آئے

واڑے دے وچ بھیتو بھیتی ذکر تیرا سی ہویا
چبڑ کھکھڑیاں تے تیرے ہاسے چیتے آئے

گھگھو گھوڑے دے لئی کٹھے کیتے سی جو ویکھے
دھیلے دمبڑیاں تے تیرے ہاسے چیتے آئے

شگناں والا دن سی آیا دھدوں گھٹی ویلے
آ ڈیناں چمبڑیاں تے تیرے ہاسے چیتے آئے

ویلا بنیا باگڑ بلا کھا گیا سارے چاء
ساہواں سنگڑیاں تے تیرے ہاسے چیتے آئے

اج اچانک قلزم میرے ہتھوں سی کجھ ڈگا
چیزاں کھلریاں تے تیرے ہاسے چیتے آئے

عدنان قلزم رانجھا