- Advertisement -

جس طرح رات میں سحر آثار ہے کوئی

ایک اردو غزل از بلال اسعد

جس طرح رات میں سحر آثار ہے کوئی
انکار میں چھپا ہوا اقرار ہے کوئی

لہروں کے ساتھ ساتھ مچلتا ہے عکس بھی
آبِ رواں میں جسم گرفتار ہے کوئی

بکھری ہوئی ہے میری تمنا اِدھر اُدھر
اور درمیان حسرتِ اظہار ہے کوئی

وحشت ہے ناچتی کہ بگولے ہیں رقص میں
صحرا میں گونجتی ہوئی جھنکار ہے کوئی

جو کھنچتا ہے روح کو اپنی طرف مدام
اسعد حدودِ جسم کے اس پار ہے کوئی

بلال اسعد 

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
سلمیٰ سیّد کی ایک اردو نظم