آپ کا سلاماردو غزلیاتسمیر شمسشعر و شاعری

جسدِ خاک اڑاتی رہی اِس طور ہَوا

سمیر شمس کی اردو غزل

جسدِ خاک اڑاتی رہی اِس طور ہَوا
عمر بھر مدّ مقابل رہے مَیں اور ہَوا

اک دِیا آندھیوں میں جلتا رہا شان کے ساتھ
آئی تھی شور مچاتے ہوئے پُر زور ہَوا

ایک دن بیٹھ کے باتیں ہوئیں تھیں اپنے بیچ
ذکر تیرا ہی مگر کرتے تھے مَیں اور ہَوا

جانے کس بَیر سے وہ تیرے سنبھالے ہوئے خط
لے اُڑی تھی کھُلی الماری سے یہ چور ہَوا

دستکیں اور ہی احساس دِلا کے گزریں
کھٹکھٹاتی رہی دروازے کو پُر شور ہَوا

کاروبارِ ہوس آیا تھا اک بار سمیرؔ
شہر کا شہر اُڑا لے گئی منہ زور ہَوا

سمیرؔ شمس

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button