اردو غزلیاتڈاکٹر صباحت عاصم واسطیشعر و شاعری

ہے مستقل یہی احساس کچھ کمی سی ہے

ڈاکٹر صباحت عاصم واسطی کی ایک اردو غزل

ہے مستقل یہی احساس کچھ کمی سی ہے

تلاش میں ہے نظر دل میں بیکلی سی ہے

کسی بھی کام میں لگتا نہیں ہے دل میرا

بڑے دنوں سے طبیعت بجھی بجھی سی ہے

بڑی عجیب اداسی ہے مسکراتا ہوں

جو آج کل مری حالت ہے شاعری سی ہے

گزر رہے ہیں شب و روز بے سبب میرے

یہ زندگی تو نہیں صرف زندگی سی ہے

تھکی تو ایک محبت نے موند لی آنکھیں

ہر ایک نیند سے اب میری دشمنی سی ہے

ترے بغیر کہاں ہے سکون کیا آرام

کہیں رہوں مری تکلیف بے گھری سی ہے

نہیں وہ شمع محبت رہی تو پھر عاصمؔ

یہ کس دعا سے مرے گھر میں روشنی سی ہے

ڈاکٹر صباحت عاصم واسطی

سائٹ منتظم

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button