- Advertisement -

ہر اک منظر بھگونا چاہتی ہے

ایک اردو غزل از عزیز نبیل

ہر اک منظر بھگونا چاہتی ہے
اداسی خوب رونا چاہتی ہے

مجھے اک پل کی یکسوئی عطا ہو
غزل تخلیق ہونا چاہتی ہے

ان آنکھوں کی کہانی ہے بس اتنی
نظر آواز ہونا چاہتی ہے

تمہارے حسن کے حیرت کدے میں
مری بینائی کھونا چاہتی ہے

کسی کی یاد کی خاموش بارش
مرے سب زخم دھونا چاہتی ہے

وہی معصوم سی بچپن کی حسرت
بہلنے کو کھلونا چاہتی ہے

اداسی تھک چکی ہے روتے روتے
ذرا سی دیر سونا چاہتی ہے

عزیز نبیل

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از عزیز نبیل