اردو غزلیاتباقی صدیقیشعر و شاعری

اہل دل فرمائیں کیا درکار ہے

باقی صدیقی کی ایک اردو غزل

اہل دل فرمائیں کیا درکار ہے
جام ہے، مے ہے، رسن ہے، دار ہے

خار کو کوئی کلی کہتا نہیں
نرم ہو،نازک ہو پھر بھی خار ہے

کچھ کہیں تو آپ ہوتے ہیں خفا
چپ رہیں تو زندگی دشوار ہے

لوریاں دیتی رہی دنیا بہت
پھر بھی جو بیدار تھا، بیدار ہے

کاش ہوتے اتنے اچھے آپ بھی
جتنی اچھی آپ کی گفتار ہے

کل کہاں تھی آج ہے باقیؔ کہاں
زندگی کتنی سبک رفتار ہے

باقی صدیقی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button