آپ کا سلاماردو غزلیاتشعر و شاعریمحمد رضا نقشبندی
آج میرا خیال؟ یا حضرت
محمد رضا نقشبندی کی ایک اردو غزل
آج میرا خیال؟ یا حضرت
واقعی اک کمال یا حضرت
یہ بھی تو آپ کی کرامت ہے
میں نے دیکھا زوال یا حضرت
وار نظروں کا کارگر ہوتا
میں بچا بال بال یا حضرت
گرچہ ہونٹوں پہ مسکراہٹ ہے
آنکھیں لیکن ہیں لال یا حضرت
آپ اونچی ہوا میں اڑتے ہیں
میرا چلنا محال یا حضرت
اور مجھ کو قریب کر دیجے
اور لاتا ہوں مال یا حضرت
آپ کے بعد آپ کی گدی
آل لے گی سنبھال یا حضرت
محمد رضا نقشبندی
ہمیں فالو کریں
