تصور کریں آپ اک صحرا میں اکیلے بھٹک رہے ہیں۔
سورج کی تپش جھلسا دینے والی گرمی۔پیاس سے لب خشک و جسم بے جاں دور دور تک کوئ سہارا مددگار کوئ آشیانہ یہاں تک کے کوئ بشر موجود نہی۔
آپ رو رہے ہیں ۔تڑپ رہے ہیں اللہ سے مدد مانگ رہے ہیں۔اک اک گناۀ آپ کے ذہن میں آکر آپ کو ستا رہا ھے۔آپ خود کو کوس رہے ہیں کاش کوئ نیکی کی ھوتی کوئ ایسا اعمال جو آج میرے لیے مدد کا سبب بنتا۔
پھر اچانک غیب سے آواز آتی ھے۔
استغفار کا ورد کرو ۔
آپ ڈر و خوف کے عالم میں استغفار کا ورد شروع کر دیتے ہیں۔ورد کرتے کرتے اچانک زمین آپ کو کچھ نرم محسوس ھوتی ھے۔پھر سے آواز آتی ھے ۔اب پیارے محمدﷺ پر درود بھیجو آپ فوراﷺ۔ﷺﷺ کا ذکر شروع کر دیتے ہیں دیکھتے دیکھتے آسماں سے سورج کی تپش کم ھو جاتی ھے اب آپ کبھی استغفار کبھی ﷺ پڑھ رھے ہیں آہستہ آہستہ زمین نرم و پر سکوں ھوا ٹھنڈی ایسی کہ جیسے ہزاروں بادلوں کا بسیرا ھو۔
اب آواز آتی ھے سبحان اللہ کہو ۔آپ بے اختیار سبحان اللہ کہنا شروع کر دیتے ہیں اچانک آسماں سے بارش برسنا شروع ھو جاتی ھے آپ بارش کے اس پانی سے جی بھر کر پیاس بجاتے ہیں اور وہی بارش کا پانی ہر طرف ہریالی سبزہ کھانے کے لیے پھل لانے کا سبب بن جاتا ھے۔آپ جی بھر کر کھا رہے ہیں۔ساتھ ساتھ کبھی استغفار۔ ﷺ۔ سبحان اللہ کہی جا رھے ہیں۔
اب آواز آتی ھے الحمد اللہ تو کہو۔آپ اسی وقت الحمد اللہ کہتے ہیں دور سے اک قافلہ آتا دیکھائ دے رہا ھے آپ کی مدد کے لیے۔
اور آپ کے کر محفوظ مقام تک لے جاتا ھے۔
بلکل ایسے ہی ہماری ذندگی ھے۔ھم بھی تو ذندگی کی خواہشات کے میدان میں بھٹک رہے ہیں۔کبھی کسی شے کی طلب کبھی خوشی کی پیاس۔کبھی غموں کی گرم ھوا۔کبھی بیماریوں کی تپش۔اور کبھی تنہائ کی بےسکونی
پھر ہم رب کی طرف روجوع کرتے ہیں۔ذکر کی فکر خود پر لاحق کر لیتے ہیں دورود ﷺ کا خود کو پابند بنا لیتے ہیں ۔اور اللہ کی ہر نعمت دیکھ کر سبحان اللہ کہنا شروع کر دیتے ہیں۔اور پھر اللہ اپنے ذکر و محبت کی بدولت ہمیں اتنا نوازتے ہیں کہ ھم خود ھی اَلْحَمْدُلِلّٰه کہنا شروع کر دیتے ہیں۔
ذکر ایسی عبادت ھے جو زندگی کے ھر موڑ پر ہمارا ساتھی۔مددگار۔کارساز بن کر ہمیں رب سے ملوا دیتا ھے اور ہمارے لیے باعث رحمت و نعمت بن کر ہماری ذندگی کو خوشیوں۔ نعمتوں سے بھر دیتا ھے۔
ذکر کی فکر خود پر لازم کر لیں۔
زَبر کے بعد زِیر اور زِیر کے بعد اک دن پِیش ھونا ھے۔
اللہ ہم سب کو اپنا ذکر کرنے کی توفیق دیں۔آمین۔
صنم فاروق
