آپ کا سلاماردو غزلیاتشعر و شاعریمنیر جعفری

یہ باز گشت جو سب کو سنائی جاتی ہے

ایک اردو غزل از منیر جعفری

یہ باز گشت جو سب کو سنائی جاتی ہے
یہ روشنی مرے کمرے سے لائی جاتی ہے

میں چاہتا ہوں مرا پھول خود پکارے مجھے
وگرنہ شاخ تو کیا کیا جھکائی جاتی ہے

میں خود کفیل اداسی کا پہلا وارث ہوں
یہ فصلِ گل بھی مجھی سے اگائی جاتی ہے

جنوں میں خاک اڑاؤ فغاں بلند کرو
ہمارے عشق کی میت اٹھائی جاتی ہے

یہ کائنات تو کچھ بھی نہیں زمیں بھی منیر
ہمارے پاؤں کے نیچے گھمائی جاتی ہے

منیر جعفری

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button