آپ کا سلاماردو غزلیاتسید عدیدشعر و شاعری

تیری خوشی کے واسطے میں بے وفا ہوا

ایک عمدہ غزل از سید عدید

تیری خوشی کے واسطے میں بے وفا ہوا
پر میرے بعد میری محبت کا کیا ہوا

کچھ اس طرح سے جان بدن سے نکل گئی
جیسے قفس سے کوئی پرندہ رہا ہوا

دونوں کے بیچ فاصلے اب اتنے بڑھ گئے
اس کا خدا بھی میرے خدا سے جدا ہوا

اک التجا ہے ہونٹوں کی دہلیز پر پڑی
مدت سے آنکھ میں ہے اک آنسو رکا ہوا

یہ سطح آب پر ہے کہانی لکھی ہوئی
کشتی کے ڈوبنے کا سبب نا خدا ہوا

پہلے برہنہ ہو کے جسے ناچنا پڑا
پھر اس کو بادشاہ سے خلعت عطا ہوا

پھر یوں ہوا کہ خواہش دنیا بھی مر گئی
دست سوال جیسے ہی دست دعا ہوا

سید عدید اس کے لیے بھی دعا کرو
اس قبر پر کوئی نہیں کتبہ لگا ہوا

سید عدید

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button