سر اتاروں گا ترا، بیج بھی بویا میں تھا

سر اتاروں گا ترا، بیج بھی بویا میں تھا
حیف کردار پہ تیرے ہے کہ گویا میں تھا

اصل اپنی کو بھلا بیٹھا، خدا بن جاتا
لا کے ساحل پہ تجھے جس نے ڈبویا میں تھا

مجھ کو ہر شخص کی بہبود کا رہتا ہے خیال
سر میں جس شخص کے سودا سا سمویا، میں تھا

عمر بھر کھوج رہی خود کو تلاشا کتنا
ہاتھ چھوٹا تھا مرا ماں سے کہیں کھویا میں تھا

کتنا آلودہ ہؤا جاتا ہے دامن میرا
رات احساسِ ندامت سے بھگویا میں تھا

کن مراحل میں رہی ساتھ، کہاں چھوڑ دیا
یارو تقدیر سے مل مل کے گلے رویا میں تھا

وقت کر دے گا ابھی فیصلہ اے دوست مرے
کون بے حس تھا ابھی "تم ہی” کہو یا "میں” تھا

اس نے پلکوں پہ مری پھر سے رکھی ہیں بوندیں
اپنے اشکوں سے ابھی آنکھوں کو دھویا میں تھا

آدھے رستے میں کوئی چھوڑ گیا ہے حسرتؔ
سکھ سے بیٹھا، نہ کبھی چین سے سویا میں تھا

رشید حسرتؔ، کوئٹہ
یکم ستمبر، ۲۰۲۶