اردو غزلیاتڈاکٹر کبیر اطہرشعر و شاعری

پچپن کے ساتھ ساتھ, اٹھارہ کا اب ہوں میں

ڈاکٹر کبیر اطہر کی ایک اردو غزل

پچپن کے ساتھ ساتھ, اٹھارہ کا اب ہوں میں
بیٹے میں اپنی عمرِ گزشتہ کی چھب ہوں میں

نوٹوں کے درمیاں, کوئی عزت نہ تھی مری
سکہ ہوں اور فقیر کے کاسے میں اب ہوں میں

دکھ ہوں, کسی کے رنگِ خوشی میں رنگا ہوا
جیسا دکھائی دیتا ہوں, ویسا بھی کب ہوں میں

مجھ ہاو ہو سے گھر کی فضا خوشگوار ہے
بچوں کے کھیل کود کا شور و شغب ہوں میں

ڈستے تو ہیں مجھے بھی مری آستیں کے سانپ
ہنستا ہوں چیخنے کی بجائے, عجب ہوں میں

مینار ہوں سو خوبیِ منظر کے ساتھ ساتھ
بھٹکے کبوتروں کی خوشی کا سبب ہوں میں

بے بس کیے ہوئے ہے مجھے روشنی کبیر
قسمت کو کوستی ہوئی مایوس شب ہوں میں

کبیر اطہر

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button