آپ کا سلاماردو غزلیاتشعر و شاعریفرح گوندل

نہیں ملیں گے دام ٹھیک سے کرو

فرح گوندل کی ایک اردو غزل

نہیں ملیں گے دام ٹھیک سے کرو
کرو اگر تو کام ٹھیک سے کرو

وہ خوش نہیں ہوا تمھارے حال سے
سو دیوتا کو رام ٹھیک سے کرو

سنا ہے نیک نام ہو ابھی تلک
تو خود کو میرے نام ٹھیک سے کرو

اٹھے نہ کوئی سر ہمارے سامنے
غلام کو غلام ٹھیک سے کرو

نہ آنکھ لال ہو سکی نہ غم غلط
میاں کچھ انتظام ٹھیک سے کرو

فرح گوندل

فرح گوندل

نام فرح گوندل ، سکونت اسلام آ باد- پیدائش ملکوال منڈی بہاوالدین- تعلیم ایم فل اردو

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button