اللہ پاک ہم سے کتنی محبت کرتے ہیں ۔؟
اتنی محبت کے وہ رحمان رب ھمارے لاتعداد گنہاھوں کے باوجود بھی ہم پر اپنا فضل و کرم کرتا رہتا ھے۔
کبھی بن مانگے عطا کر دیتا ھے ۔کبھی اپنی محبت میں ہمیں آزماتا ھے ۔اسلیے نہی کہ اللہ ہم سے ناراض ھے اسلیے کہ اس کو ہمارا مانگنا پسند آرہا ہوتا ھے۔
جب ہم رو رو کر تڑپ کر اللہ کو اللہ پکارتے ہیں ۔تب وہ اپنی رحمت کی نظر سے ہمیں دیکھتا ھے۔ اور اپنی محبت میں ہی ہمیں بہترین عطا کرتا ھے۔ یہ اسکی محبت کا رنگ ھے۔
اس کی محبت کا وہ رنگ جو ہمارے ذندگی میں مختلف خوشیوں رحمتوں برکتوں نعمتوں کی صورت میں ہمیں عطا ہوتا ھے۔
تو کیا ھوا وہ مشکل میں ڈالتا ھے تو کیا ہوا وہ نہ دے کر أزماتا ھے
اب محبت میں اتنا تو بنتا ھے۔ ناں جب محبوب کی بات کو نہ ماننا۔ جاۓ اسکو یاد نہ کیا جاۓ ۔اسکی طرف توجہ نہ کی جاۓ تو محبوب صرف ناراض ھوتا۔ محبت کرنا نہی چھوڑتا
پھر وہ آزماتا ھے ۔تھوڑی مشکل دے کر آزما کر تھوڑاکہ میرا بندہ مجھے پکارے میں اسکی آواز سنو چاھے وہ دل کی گہری خاموشی ہی کیوں نہ ھو چاھے وہ مصلے پر سجدے کی کیفیت ہی کیوں نہ ھو چاھے وہ دعا میں اٹھتے ہاتھ ہی کیوں نہ ھوں چاھے وہ آنکھوں کی نمی گرتے آنسؤ ہی کیوں نہ ھوں۔
اور پھر جب بندہ اللہ کو پکارتا ھے یاد کرتا ھے تو اللہ اپنی محبت کے معجزے دیکھانا شروع کر دیتا ھے۔
وہ معجزے جو ایمان۔ محبت اور رب کی رضا کا پیکر ھوتے ہیں۔
کبھی ناشکری مت کیا کریں ۔جو عطا ھے وہ بہترین ھے۔
اسکی محبت کا رنگ ہے جو نہی عطا وہ اسکی حکمت ھے۔ ہر شے میسر ھو جاۓ تو انسان رب کی یاد سے غافل ھو جاۓ اور اللہ کو یہ نہی پسند کہ اسکا بندہ اسکی یاد سے غافل ھو ۔
اپنے رب کو یاد کیا کریں ۔کبھی کبھی بغیر کچھ مانگے۔ بغیر کسی خواہش کے بغیر کسی طلب کے۔ اللہ کو اللہ کی محبت میں یاد کیا کریں ۔اللہ سے محبت کا اظہار کیا کریں ۔اس سے اسکی رضا مانگا کریں محبت مانگا کریں۔
انسان کی خواہشات تو ختم نہی ھوتی آخری سانس تک
اسکی طلب و لالچ رہتی ھے۔
مگر اس سے اسکی محبت مانگ کر تو دیکھیں ۔وہ بہت
مہربان و قدردان رب ھے ۔وہ تھوڑی سی محبت کے بدلے بہت زیادہ عطا کرتا ھے۔ بس اس سے محبت کا سلیقہ آجاۓ۔اور اللہ ہمیں اپنی قربت سے نواز دیں۔
اللہ کو اپنے اندر تلاش کریں ۔اپنے ذات میں محبت کا پودا لگا کر ذکر کا پانی دے اور شکر سے اسکی حفاظت کریں وہ پھر محبت کے پھول چاہت کے پھل اور عطا کے رنگ دے گا یہی تو اسکی محبت کے رنگ ہیں۔
خوبصورت و نورانیت کے رنگ۔
دعا ہے
اللہ ہم سب کو اپنی محبت کے خاص رنگ عطا فرمائیں۔
اور ہم سب سے راضی ھو جائیں۔آمین
ازقلم
صنم فاروق حسین
