اردو غزلیاتڈاکٹر صباحت عاصم واسطیشعر و شاعری

مانا کسی ظالم کی حمایت نہیں کرتے

ڈاکٹر صباحت عاصم واسطی کی ایک اردو غزل

مانا کسی ظالم کی حمایت نہیں کرتے

ہم لوگ مگر کھل کے بغاوت نہیں کرتے

کرتے ہیں مسلسل مرے ایمان پہ تنقید

خود اپنے عقیدوں کی وضاحت نہیں کرتے

کچھ وہ بھی طبیعت کا سکھی ایسا نہیں ہے

کچھ ہم بھی محبت میں قناعت نہیں کرتے

جو زخم دیے آپ نے محفوظ ہیں اب تک

عادت ہے امانت میں خیانت نہیں کرتے

کیوں ان کو ملا منصب افزائش گیتی

یہ لوگ تو مٹی سے محبت نہیں کرتے

کچھ ایسی بغاوت ہے طبیعت میں ہماری

جس بات کی ہوتی ہے اجازت نہیں کرتے

تنظیم کا یہ حال ہے اس شہر میں عاصمؔ

بے ساختہ بچے بھی شرارت نہیں کرتے

ڈاکٹر صباحت عاصم واسطی

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button